بمناسبة التميز عازمتكم على مجبوس لحم..

[بنت الزهيريه]

اعزائي وعزيزاتي اعضاء وعضوات منتدانا الغالي...اشكركم من كل قلبي
اشكر كل من هنأني بالتميز...وان شاء الله الى الامام دائماآآآ
قلت عاد بهالمناسبه اعزمكم على ضيفه...
فحياكم الله
يالله نبتدي بسم الواحد الاحد

خروف...او كيفكم لحم بقر ...براحتكم..ويكون قطع كبيره




نغسله...ونحط عليه ماي ونحطه على النار



اول مايبدي يفور اللحم
ويبدي يطلع الغفو ...نشيله كله الى ان يصير الماي صافي






نحط له بصله ..
وهيل حب ..وقرنفل حب..واعواد دارسين..



نخليه يطبخ على نار هاديه ..
وبعد ساعه نحط عليه الملح ونغطيه ...الى ان يستوي ..حسب اللحمه ..ساعتين ثلاثه..





نخلي اللحمه تطبخ نبدي نسوي
الحشو
وهو عباره ..بصل مثروووم ناعم



بهارات ..نطحنها تازه..
هيل وقرنفل وفلفل اسود ولومي اسود





نحط البهارات على البصل ونحمسه وآخر شي نحط شويه ملح وملعقة زبده..وحمص مجروش((منقع ومفيور ))



اذا استوى اللحم نطلعه من الماي ..نمسح عليه بزعفران منقع بماي ورد ونقليه




نكب التمن واذا بدى ينشف..
نرش فوقه هيل مطحون ناعم جدآآآ تقريبآآآ ملعقه كبيره..
وزعفران منقع بماي ورد..
ونحط الحشو على وجه التمن..
ونغطيه ربع ساعه على نار هاديه




عاد بالنهايه ننجبه..ونقلي مكسرات ونحطه فوقه...
حسب الرغبه...وتفضلووووووو حياكم الله




تقبلوا تحياتي ..ولاتنسوني من دعواتكم

[صهيب]

ماشاء الله ماشاء الله .. تبارك الله
مشرفتنا الرائعة: بنت الزهيرية
ونعم الضيافة و أنعم بالمضيف
ياسلام عليج ..
مجبوس أوريجنال لا يعلى عليه
أكاد أمد يدي للصورة لإحساسي بروعة النكهة ولذة المذاق
شكراً أختنا لاحرمنا الله طيبك وماتهدينا من الطيبات
تقبلي مع كل التقدير
تحياتي واطيب التمنيات
أخوك: بونواف

[تغريد]

الله يهبل الريحة الطيبة وصلتنا

الله يسلم هالايديات

جعل ما تمسها النار

مبروك حبيبتي
التميز

يابنت سكتنا

تغريد

[مسلمة]

مشرفتنا المتميزة دائما بنت الزهيريه
مطبق ولا ألذ ربي يحرم إيديك على النار ريحتة جابتنا من أول المنتدى
لك مني كل الشكر لما تقدمين من أطباق أصيلة من مطبخنا الزبيري ولهذا العرض والصور الرائعه
دمت متميزة على الدوام

[تغريد]

وينها وين شغلاتها الحلوه

يارب ترجعها بالسلامة

فاقدينها والله

بنت سكتنا

بنت الزهيرية

[صديقه طيوبه ^_^]

الله الله ياسلام
شغل عدل طباخه فنانه بنت الزهريه تستاهلين التميز بجداره
منج نتعلم ان شاء الله

[قليب الذيب]

السلام عليكم ورحمة الله وبركاته

شغل عدل تسلم الايادي وسعابيلي وصلت لخاصرتي

يسلمو بنت الزهيريه